Gangnam 1970 (2015)

လှုပ်လှုပ်ရှားရှား မှုခင်းရုပ်ရှင်ဖြစ်တဲ့ Gangnam Blues (Gangnam 1970) ကို ဒါရိုက်တာ ယိုဟ က ရိုက်ကူးပြီး မြန်မာပရိသတ် တော်တော်များများ သဘောကျကြတဲ့ မင်းသား လီမင်ဟိုနဲ့ Love Story in Harvard (တစ်ခါတုန်းက တက္က သိုလ်)မှာ ပါဝင် ခဲ့တဲ့ ဇာတ်ဆောင်မင်းသား ကင်ရေးဝန်တို့က ပါဝင်သရုပ်ဆောင်ထားကြပါတယ်။
Gangnam Blues ဟာ ၁၉၇၀ ခုနှစ်အလွန် ဝရုန်းသုန်းကားဖြစ်နေတဲ့ လူမှုရေး၊ နိုင်ငံရေး အခြေအနေတွေကြားထဲကနေ ဆိုးလ်မြို့ရဲ့ ဂန်းနမ်စီရင်စုက အိမ်ခြံမြေ ဖွံ့ဖြိုးတိုးတက်လာပုံကို နောက်ခံထားပြီး ရိုက်ကူးထားတဲ့ ဇာတ်လမ်းတစ်ပုဒ် ပါ။ ဒီထဲမှာနိုင်ငံရေး သြဇာအာဏာနဲ့ ရာဇဝတ်မှု ကျူးလွန်ကြတဲ့ အဖွဲ့အစည်းတွေကြားထဲက လွန်ဆွဲပွဲတွေရယ်၊ လိမ်လည်မှုတွေရယ်ကြောင့် ငယ်စဉ်တောင်ကျေး ကလေးဘဝတည်းက ပေါင်းသင်းခင်မင်လာတဲ့ သူငယ်ချင်းနှစ်ယောက်ရဲ့ ရင်းနှီးချစ်ခင်မှုကို စမ်းသပ်ခံရတဲ့အကြောင်း ရိုက်ကူးပုံဖော်ထားပါတယ်။
၁၉၇၀ ခုနှစ်ဝန်းကျင် နိုင်ငံရေးပိုင်းမှာခြစားမှုတွေ အထွတ်အထိပ် ရောက်နေတဲ့ ကာလအတွင်းမှာ ဆိုးလ်တောင်ပိုင်းက ဂန်းနမ်ဟာ ဖွံ့ဖြိုးတိုးတက်တဲ့ ဧရိယာအဖြစ် စပြီး ပြောင်းလဲနေခဲ့ပြီ။ ငယ်သူငယ်ချင်းတွေဖြစ် ကြတဲ့ ဂျောင်ဒေး နဲ့ ရောင်းကီတို့ဟာ မြို့စွန်ရပ်ကွက်မှာရှိတဲ့ သူတို့ အိမ်လေးကို လူမိုက်တွေ ဖြိုချလိုက်တဲ့အတွက် ပြန်ပြီးနေရာရဖို့ အသည်းအသန် လုံးပမ်းနေရတယ်။ သူတို့နှစ်ယောက်ဟာ ငယ်စဉ်ကတည်းက မိဘမဲ့ဂေဟာမှာ အတူကြီးပျင်းလာခဲ့ကြတဲ့ သူတွေ။ ဂေဟာက ထွက်လာပြီးတော့လည်း စက္ကူတွေ၊ ပုလင်းခွံတွေကို ကောက်ပြီး အသက်မွေးကြရင်းနဲ့ ဘဝကို အတူရုန်းကန်ခဲ့ကြတယ်။
ငွေအတွက်ဆိုရင် ဘာမဆို လုပ်တတ်ကြတဲ့ သူတို့ဟာ ထိတ်လန့်ဖွယ်ရာ နိုင်ငံရေး ပဋိပက္ခတွေ မှာ ပါဝင်ခဲ့ကြပြီး အဖွဲ့တစ်ခုနဲ့တစ်ခု ထိပ်တိုက် တွေ့ကာ ပစ်ခတ်ကြတဲ့အချိန်မှာ ကွဲကွာသွားခဲ့ကြတယ်။ သုံးနှစ်ကြာပြီးတဲ့နောက် ဂျောင်ဒေး ဟာ အရင်က ဂိုဏ်းစတားတစ်ဦးဖြစ်ခဲ့တဲ့ ကီလ်ဆုနဲ့ အတူ နေထိုင်နေတယ်။ ရောင်းဂီကတော့ ဆိုးလ်ရဲ့ သြဇာအကြီးဆုံး ရာဇဝတ်ဂိုဏ်းတစ်ခြုဖစ်တဲ့ Myepngdong-pa ထဲကို ရောက်သွားတယ်။ ဂိုဏ်းစတားတစ်ယောက်အနေနဲ့ သူဟာ လျှို့ဝှက် သမ္မတရွေးကောက်ပွဲ ရန်ပုံငွေဆိုတဲ့ ခေါင်းစဉ်အောက်က နေပြီး မြို့ရဲ့ မြေယာတန်ကြေး မြင့်တက်လာစေဖို့အတွက် သေမြေကြီး ရှင်ရွှေထီး စွန့်စားရတဲ့ ဂန်းနမ်က မြေယာအရှုပ်အရှင်း ကိစ္စတွေမှာ ပါဝင် ပတ်သက်နေရတယ်။ လူဆိုးဂိုဏ်းတွေက မြေယာပေါင်းများစွာကိုရရှိဖို့ တိုက်ခိုက်ကြတဲ့အခါ ရောင်းကီအဖမ်းခံရပြီး ပြိုင်ဖက်ဂိုဏ်းတစ်ခုရဲ့ စစ်ဆေး မေးမြန်းမှုကို ခံရတယ်။ ရောင်းကီအဖမ်းခံရပြီးတဲ့ နောက်ဘာတွေဆက်ဖြစ်မယ်၊ ဂျောင်ဒေးနဲ့ ဘယ်လိုပြန် ပြီး ဆက်စပ်သွားမယ်၊ သူတို့သူငယ်ချင်းနှစ်ယောက်ရဲ့ ရင်းနှီးချစ်ခင်မှုကို ဘယ်လိုပုံမျိုးနဲ့ အစမ်းသပ်ခံရမယ် ဆိုတာတွေက စိတ်ဝင်စားစရာပါပဲ။
Gangnam Blues ဟာ ထုတ်လုပ်ခဲ့သမျှ ကိုရီးယားရုပ်ရှင်တွေထဲမှာ ဖန်တီးထားပုံ အလှဆုံး နဲ့ အလတ်ဆတ်ဆုံးဖြစ်တယ်ဆိုပြီး ဝေဖန်ထား ကြသလို ဇာတ်ကောင်တွေရဲ့ သရုပ်ဆောင်မှုက ဘာမှသိပ်မထူးခြားတဲ့အပြင် တည်းဖြတ်မှု အပိုင်း မှာလည်း ရှုပ်ယှက်ခတ်နေတယ်ဆိုပြီး ပြောထား တာကိုလည်း တွေ့ရပါတယ်။ လီမင်ဟိုရဲ့ သွေးအေး တဲ့ ဂိုဏ်းစတားတစ်ယောက်ရဲ့ ဟန်ပန်က အဆင် ပြေပေမယ့် ကင်ရေးဝမ်ရဲ့ သရုပ်ဆောင်မှုကအနည်းငယ် ပေါ့ပျက်ပျက်ဖြစ်တယ်လို့လည်း ဆိုကြပါတယ်။ ဒါပေမဲ့ ကင်ရေးဝမ်ဟာ ဒီရုပ်ရှင်ထဲမှာ ဂိုဏ်းစတားတစ်ယောက်အဖြစ် ပါဝင်ဖို့အတွက် တစ်လအတွင်းမှာ ကိုယ်အလေးချိန် ၁၅ ကီလိုကျအောင် ကြိုးစားထားခဲ့တယ်ဆိုတော့ သူရဲ့ အားထုတ်မှုကို အသိအမှတ်တော့ ပြုရမှာဖြစ်ပါ တယ်။ ဘာပဲဖြစ်ဖြစ် ၁၉၇၀ ရဲ့ နောက်ခံအခင်းအကျင်း တွေကို သိခွင့်ရမယ့် Gangnam Blues ဟာ ၁၃၅ မိနစ်သာ ကြာမြင့်လို့ စောင့်ကြည့်သင့်တဲ့ ဇာတ်ကားအဖြစ် ဖော်ပြလိုက်ရပါတယ်။
(ရုပ်ရှင်အညွှန်းကို People.com.mm မှကူးယူဖော်ပြပါသည်။)

File size…(999MB)
Quality…Blu-ray Rip 720pFormat…mp4
Duration….2:21:22
Subtitle….Myanmar Subtitle (Hardsub)
Encoder….Nyeinsaeya Aung